لحظة تأمل جوه لحظات الإنكسار

استعرض الموضوع السابق استعرض الموضوع التالي اذهب الى الأسفل

لحظة تأمل جوه لحظات الإنكسار

مُساهمة من طرف 3abedatalra7man في الأربعاء أكتوبر 01, 2008 12:56 pm


السلااام عليكم ورحمة الله تعالى وبركاته



اخوتى واخواااتى الكرام



موضوعى النهارده


عدى على كتير مننا ان مكنش كلنا


بس يمكن يخرج بشكل فلسفى اكتر


ويمكن ناس تختلف ونااس توافق ونااس تقول دى شايفه الصورة من بره


بس انا بكلمكم من واقع تجربه


يمكن كلااام كتير من اللى هيتكتب قلته وحسيته


بس نفسى دايما اوصل للصوره النهائية فى الكلام


مش مجرد وصول ولكن ايمان ويقين كاااامل


مع ان اليقين موجود


لكن احيانا بتغلب اوجاعنا على تفكيرنا


لكن...


بعد ما بنعدى بنشوف الامور بزوايا مختلفه


موضوعى هو


لحظة تأمل وسط لحظات الانهيار


اكيد كل حد فينا عدت عليه لحظات يأس او جرح


لحظات حس فيها انه مش شايف من الدنيا غير لون وااحد


هو الاسود




ويمكن يكون منقط بابيض على خفيف


لحظات بنحس فيها ان الدنيا ضيقه قوى علينا



{وَعَلَى الثَّلاَثَةِ الَّذِينَ خُلِّفُواْ حَتَّى إِذَا ضَاقَتْ عَلَيْهِمُ الأَرْضُ بِمَا رَحُبَتْ وَضَاقَتْ عَلَيْهِمْ أَنفُسُهُمْ وَظَنُّواْ أَن لاَّ مَلْجَأَ مِنَ اللّهِ إِلاَّ إِلَيْهِ ثُمَّ تَابَ عَلَيْهِمْ لِيَتُوبُواْ إِنَّ اللّهَ هُوَ التَّوَّابُ الرَّحِيمُ} (118) سورة التوبة


ويمكن لو كل حد فينا دور جواه هيلااااقى غرفه كبيره مقفوله على احزااان كتير


حبه فراااااااااق


وحبه خيااااااااانه


وحبه وداااااااع


وحبه تجااااهل


وحبه مش فاااهم


يعنى كوليكش احزاان


بيختلف حسب ظروف كل واحد فينا


وفى اللحظااات دى


مبنبقاش شايفين غير جرحنا


بنبقى تعبانين


وعاوزين نفهم ليه ؟؟


وازاى ؟؟


وبنتشغل جوه المشكله


ولما بتعدى وبتفوت


بنشوفها مهما كانت كبيرة


لكن تضاءلت وصغرت


حتى لو كان وجعها لسه موجود


وحتى لو كنا بنتالم كل ما نفتكرها


لكن ..


قدرنا نعيش معاها


وبيها ..


ونبدأ تااانى من جديد


تعدى أيااام وتفوت أياااام


وتيجى حاجه جديده بتوجع


ونرجع تااانى ندخل جوه الدايره


لا احنا فاهمين ولا عارفين


وسط كل ده


تعالو نشوفها بشكل تااانى


شكل كلنا عارفينه


ساعات كتير نقول زهقنا من الدنيا ومشاكلها


تعبنا


مبقناش قادرين


مشاااكل جوااااااااانا


ومشاااكل براااااااانا


وظرووف مجتمع


وبطاله


واهانه للدين


وحرمات بتنتهك


وحروب فى بلاد المسلمين


واسعار مولعه


وقلة امكانيات


وشباب تعبان


.... الخ


حاجات لو قعدنا نحكيها هنرسم احزانا لسنين جايه كتير


الصورة الجديده واللى كلنا عارفينها


واللى عاوزين دايما واحنا جوه المشكله


نفهمها


ونعرفها


ونحسها


ونتاكد منها


هى




ان اكيد طالما ربنا كتب ده لينا يبقى هو الخير


نطبق مقوله القصه الشهيرة ( لعلــه خيراَ )


ومش بس كده


لا


نحاول نفهم الحكمة اللى ربنا كتبها لينا من الموقف ده


يعنى اكيد ربنا سبحانه وتعالى بيوجهنا لسكه


دايما لما بنفهم المعنى بتكتمل الصورة


يعنى مثلا


لما الملك فى القصه صباعه اتقطع والوزير قاله لعله خير


الملك جوه الموقف


شاف انه مش خير


لانه ميعلمش الغيب


وبالتالى حبس الوزير


اللى برده قال لعله خير


بس الوزير جوه الموقف


وشاف انه خير


شايفين ازاى الاتنين رؤيتهم للامور مختلفه


بعد اتضاح الصورة


وبعد لما الملك اتعرض انه يكون قربان


ولما لاقوه صباعه مقطوع سابوه


هناااااااا


بـس


فهم ليه خير ان صباعه اتقطع


لانه مكنش عارف


ولا فااهم


بس فهم


لكـــــن ...



الوزير


اللى جد عليه


انه عرف


مش انه فهم


يعنى لما الملك حكاله الحكايه


كان عارف مبدئيا انه كان خير من البدايه طالما ربنا كاتبه


بس اللى جد عليه معرفة الخير فى الامر


ولما عرف وسئله الملك


طيب ايه الخير اللى كان فى حبسك


كانت اجابته انه اكيد لو كان معااه كانو خدوه بدل الملك



يااااااااااااااه


فرق شاسع بين الاتنين


الوزير كان جواه يقين فى الله ان اى شىء كتبه ربنا خير


ماشى فى الدنيا وهو مطمئن


حتى لو صادفه الشر


فأكيد الخير جاااااااااااى وراه


لانه حتى الشر ده شايفه خير

_وهو شر برؤيتنا احنا كبشر_


لكن هو خيرعشان ربنا هو اللى كاتبه



نعرف نعمل كده؟؟؟؟



يمكن نكون ساعات مش قادرين نحقق ده


وخصوصا فى اول المشكله


بس تعالو دايما نقولها لنفسنا


هو خير


لان ربنا بيحبنا


وليه حكمة سبحانه وتعالى فى الشى اللى كتبهولنا


احيانا بيكون اختبار من ربنا بيشوف قوة تحملنا وصبرنا


واحيانا بيشيل عننا شر احنا مش شايفينه


واحيانا بتكون لحكمة هو وحده اللى عالمها


بس فى النهاية


لقاااااانا خير


وفرااااااقنا خير


اوجاااااعنا خير
لان هيجى يوم نتعلم منها



لو لاقيت كل البيبااان مقفوله فى وشك


عندك باب مفتوح طول الوقت


هو بااااب الدعاء




باب الله سبحانه وتعالى


الذى يتنزل كل ليله الى السما الدنيا


ويسأل
هل من سائل فأعطيه ؟؟


هل من داعى فاستجيب له ؟؟


{وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ} (186) سورة البقرة


كل اللى مطلوب منك انك تروح على بابه


وتقوله اللى انت عاوزه


وتخلى يقينك فى اجابته لدعائك اكيده


و



لو حسيت فى لحظة وانت جوه مشكلتك


ان الدنيا سوده قدامك


اقعد فى لحظة تأمل


وشوف ايه الحكمة من اللى انت فيه


{إِنَّ مَعَ الْعُسْرِ يُسْرًا} (6) سورة الشرح



اسأل نفسك


ايه الحكمه اللى ربنا عاوزك تفهمها


شوف المشكله بزاويه اكبر


وخليك فى كل الحالات متأكد


انه خيـــــــــــــــر


ربنا يرزقنا ويرزقكم الخير


ودايما نشوف كل حياااتنا خير


فرحها وحزنها خير


اللهم انا نسالك قلبا خاشعا يؤمن بقضاؤك وقدرك


اعتــــــــــــذر ان كنت أطلت عليكم


والسلااام عليكم وحمة الله تعالى وبركاته
avatar
3abedatalra7man
مشرف
مشرف

عدد الرسائل : 173
العمر : 27
تاريخ التسجيل : 10/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لحظة تأمل جوه لحظات الإنكسار

مُساهمة من طرف cute_elnahas2000 في الخميس أكتوبر 02, 2008 7:37 pm

جزاكي الله كل خير

_________________
أَحِبَّ لِلنَّاسِ مَا تُحِبُّ لِنَفْسِكَ
avatar
cute_elnahas2000
مشرف عام

عدد الرسائل : 176
العمر : 26
تاريخ التسجيل : 04/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لحظة تأمل جوه لحظات الإنكسار

مُساهمة من طرف 3abedatalra7man في السبت أكتوبر 04, 2008 4:56 pm

جزانا الله و اياك

مرسى على المرور الكريم
avatar
3abedatalra7man
مشرف
مشرف

عدد الرسائل : 173
العمر : 27
تاريخ التسجيل : 10/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى