Cairo Start
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شرح سيلك رود بالتفصيل

اذهب الى الأسفل

شرح سيلك رود بالتفصيل Empty شرح سيلك رود بالتفصيل

مُساهمة من طرف schuts الأربعاء أكتوبر 29, 2008 8:00 pm

أقدم لكم اليوم لعبة ادهشت الجميع وهى من اقوي العاب الonline
التى عرفها العالم و هي لعبه ثلأثية الأبعاد صينية الأصل ومأخوذه عن قصه
طريق الحرير التاريخى و وتحولت الى اشهر الالعاب .......
لعبه
SilkRoad

معلومات عن اللعبة

و للعبة عدة سيرفرات ممكن تختار ماتشاء
البداية

قبل ان نبدأ ماذا تعني كلمة RPG ؟ هي اختصار لـ Role Playing Game ... و
هي العاب شيقة جدا و ذلك لأن نظامها يعتمد تقوية الشخصية او الاسلحة
اوالدفاع اوالسحر

على سبيل المثال.

فمع مرور الوقت ترتبط بالشخصية اكثر . و مع مرور الوقت تصبح الشخصية التي تلعب بها اقوى و اقوى من ذي قبل.



و لعبة Silkroad تصنف من العاب الـ RPG

متطلبات الجهاز لتشغيل اللعبة:

فيجا: 128 م ب Ge-Force أو Radion
رامات: 256 م ب
نظام اتشغيل: ويندوز أكس بي فأحدث

و انتبه ان اللعبة تلعب Online فقط

مميزات اللعبة

1 من الالعاب الوحيدة على النت المجانية تماما و الى الابد و لا تحتاج
مصاريف شهرية مثل world of warcraft او تحتاج شراء سى دى زى guild wars او
حتى تحتاج donation زى mu cotienant او the crims و ال donation ده اكيد
كان بيضايق كل الناس اللى غاويين العاب اونلاين لانه بيميز ناس عن ناس لكن
فى اللعبة دى مفيش تمييز و مفيش donation , فاللعبة دى مجانية و لكن لازم تتشحن بكرت سيلك علشان الشخصية متتأفلش 100 سنة انشاله كارت واحد ب33 جنيه مصري بيديك 50 سيلك الي هي العملة في سيلك رود بس حتنفع بعدين .

2 عدد الناس الرهيب اللى فى اللعبة ويدخلها يوميا حوالى 2 مليون لاعب فى المدن الرئيسية



3 الجرافيك الاكثر من رائع اللى فى رايي يوازى ان لم يكن يتفوق على world of warcraft .


4 اسلوب القتال فى اللعبة ممتاز جدا افضل من world of warcraft فى رايي .

كثرة عدد الشخصيات و الوظائف اللى ممكن تقوم بيها فى اللعبة .

6 اللعبة لا تقيدك من البداية فى اختيار شخصية معينة و الالتزام بيها مثل
ال mage او ال warrior قى معظم الالعاب الاونلاين , بل على العكس ....
طريقتك فى اللعب هو اللى بيدى لشخصيتك طابع مميز منفرد ليها ... و كل واحد
يقدر يبنى شخصيته بشكل مختلف مع تطوره فى المراحل

7 اسلوب التجارة فى اللعبة بيخليك مستمتع بكل item او weapon بتلاقيه ...
لان كل حاجة ليها سعر فى اللعبة ... و الميزة فى اللعبة دى انك مش بتفضل
تدلل على البضائع بتاعتك و تفضل مستنى حد يجى يشترى منك زى معظم الالعاب
التانية .... لا انت بتعرض حاجاتك فى حاجة عاملة زى المحل بالاسعار اللى
انت عايزها ... و كل الاعبين بيدخلوا محلك و يتفرجوا على حاجاتك و يشتروا
اللى عايزينه و الفلوس تتحول اوتوماتيك لرصيدك او بتسجل المحل على
stallnetبالتالى كل الناس تقدر تشوف الحاجه وتقارن الاسعار.

8 اللعبة عمرها حديث ... لانها بدات من 4 سنين فقط ...
9 اللعبة اونلاين 24 ساعة 7 ايام فى الاسبوع .لكن تغلق لعمل الابديت كل يوم ثلاثاء من 6 صباحا حتى الساعه 11
المحاكاة للواقع فى اللعبة رائع... فمع تغير الوقت بيتغير المناخ من ليل و نهار و غروب و مطر و اعاصير
11 اللعبة فى تطور مستمر و وهى 90 ليفل حتى الان وننتظر اضافه المزيد فى يناير القادم انشاء الله
.

كيف تلعب اللعبة ؟

1- الاول اللعبة دى الجرافيك بتاعها عالى جدا فهي تحتاج متطلبات عالية فى
الجهاز ... فبتحتاج كارت شاشة ع الاقل 32 ميجا و رامات ع الاقل 256 ميجا و
directX9c.

2- لو المتطلبات دى عندك يبقى تنزل اللعبة و هى مساحتها 927 ميجا ... نزلها من الرابط في أخر الموضوع

3- بعد ما تنزل اللعبة تسجل اسمك و كلمة السر فى الموقع الرسمى للعبة http://www.silkroadonline.net/

4 بعد ما تسطب اللعبة و هى بتنزل فى حوالى جيجا و نص ... بيطلب منك تختار سيرفر تلعب عليه من العديد من السيرفرات ...
5 بعد كده بتختار شخصية ولد او بنت ... و بتغير فى شكلها فى الطول و الوزن و الوجه و الملابس و خلافه .

6 و بكده تكون جاهز لاثبات جدارتك و تمشى فى طريق Silk road

أنواع الشخصيات

1 Pure Strength

يعنى تخلى كل Stat Points بتاعتك str و ميزة الطريقة دى انها بتخلى ال hp
بتاعك عالى جدا و ال defence بتاعك عالى جدا و ال phy dmg عالى جدا بس ال
mag dmg قليل جدا
و قوة الشخصية دى بتظهر فى ال pvp او player vs player .

Stat Points هي النقاط التي تكسبها عن الانتقال من level إلى level و
يعطيك الخيار تضيفها إما على الHP أي الدم الخاص بك أو MP أي قدراتك
السحرية فيزيدها الStat Point بمقدار ال100

مميزاته

هيخليك بتستحمل الضرب الكتير و الناس دى بتقف فى المواجهه فى الحروب و مبيمتوش بسهوله

2 Pure Intellingence

يعنى تخلى كل نقطك Stat Points في MP و ميزة الطريقة دى ان ال mp بتاعك
بيكون عالى جدا و السحر بتاعك قوى جدا بس ال hp بتاعك قليل جدا و ال
defence قليل جدا و عيب النوع ده انك ممكن تموت بسرعة لكن ميزه الرهيبه
انك بتعمل dmg عالى قوى

مميزاته

هيخليك ساحر قوى جدا و المجيكات بتاعتك هتبقى قويه و الناس دى بتبقى فى اخر الجيش عشان يضربوا من بعيد

3- Hybrid

ده اللى مشهور جدا ده فى منه تلات انواع 1:2 و 2:1 و 1:1
و ده فى ناس بتسميه balanced او mixed و زى واضح من الاسم فهوبيساوى بين
ال str و ال int و ميزة الطريقة دى انها بتخلى ال lvl بتاعك يعلى بسرعة و
قوية فى ال pvm او player vs mobs لكن ضعيفة فى ال pvp و ال guild wars .

كيف تكتسب StatPoints

اللى هيلعب اول ما بتلعب هيكون عندك فوق على الشمال نافذه لونها احمر دى
الHP و تحتها نافذه لونها ازرق دى MP و لما بتعدى من LVL الى LVL هيضهرلك
علامة + فوق ال HP دوس عليها او دوس حرف ال C و تزود فى ال HP او MP


أنواع الملابس الخاص بالشخصيات

1- Armor
و ده ال phy defence بتاعه عالى بس ال mag defence قليل
و ده حيحميك من ضربات الpyscial و ده ينصح باستخدامه اللى هيحط النقط
بتاعته فى ال int اكتر لأن دفاعاتك ضد الphysical ضعيفة تلقائيا او لو انت
هتحارب لاعب بيستخد م ال str فهتحتاجه برضه و ملحوظة مهمة

2- Garment
ده ال mag defence بتاعه عالى بس ال phy def بتاعه قليل و بيزود قدرتك
الدفاعية من ضربات السحرو ده بينصح باستخدامه للى هيتخخصوا فى Str او لما
تلاعب واحد متخصص سحر ... و ده اسرع لبس فى اللعبة.

3- Protector
اخر نوع بقى هو ال protector و ده الوسط بين الاتنين و اكيد بينصح بيه للناس اللى هتبقى hybrid او mix .

ملحوظة يمكن ممن يلبسون Armor يلبس لبس الprotector لكن لا يستطيع خلط أي من هذان النوعان بالgarment

أنواع الضربات (ضربات الأسلحة و السحر)

فيه عندك اربع انواع سحر cold و lighting و fire و force
و 5 أسلحة مختلفة متقسمة ل3 مجاميع
(Sword و Blade) و (Glavie و Spear) و Bow
كل واحد ليها ميزة و يفضل مع اسلحة معينة ....
فانت عندك خمس انواع اسلحة

الأسلحة:

1 السيف Sword و ده يفضل استخدامه مع السحر اكتر و يمتاز بقوته السحرية المتوسطة و قوته الphy الضعيفة

و السحر المفضل معاه lighting كقوة اساسية و ال cold للمساعدة ...سريع فى الحركة لكن مداه قصي

2 Blade و ده يفضل استخدامه لو انت str اكتر لانه بيمتاز بقوته ال phy المتوسطة و ال mag الضعيفة
و ده يفضل معاه ال fire كقوة اساسية و ال lighting او cold كقوة مساعدة و زى السيف سريع فى الحركة و مداه قصير

3- الرمح Spear و ده برضه يفضل استخدامه مع السحر اكتر و يتميز بقدرته
السحرية الاعلى من السيف و قوته الphy المتوسطة و ده افضل قوة ليه هى ال
lighting و ممكن تاخد معاه ال cold مساعدة
و ال spear بطئ فى الحركة و مداه طويل

4- Glavie و ده قوته ال phy اعلى من ال blade و قوته ال سحريه متوسطة ... و ينصح باستخدامه مع الstr
و ده افضل قوة ليه ال fire و ممكن تاخد معاه ال cold او lighting كقوة مساعدة و برضه بطئ فى الحركة و مداه طويل

5- القوس Bow و ده قوته السحرية و ال phy متوسطين لكن ليه ميزة رهيبة و هى
الضرب من مسافات بعيده و ليه عيب برضه و هو الاسهم بتاعته اللى لازم تكون
محضرها معاك ... و ده يفضل جدا معاه ال cold اساسى و ال lighting مساعدة .


ملحوظة:
فيه ناس اكيد هتسالنى عن ال Sword و ال Blade ايه اللى مخليهم اضعف من ال
Spear و ال Glaive .....و ده لان ال sword و ال blade ليهم ميزة رهيبة جدا
اسمها ال shield
و ال shield ده ساعات بيغير مجرى الحرب فى اوقات كتير لانه ممكن يعمل
block لهجمة بكاملها و لما تعلوا فى ال lvl هتعرفوا فايدة انكوا تصدوا
هجمة بكاملها زى هجمات ال nukes مثلا .

schuts
عضو

عدد الرسائل : 16
العمر : 31
تاريخ التسجيل : 09/10/2008

http://schuts.own0.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى